Connect with us :- Subscribe to our RSS Feed! Follow us on Facebook! Follow us on Twitter! Google+

TODAY

3:40 am - ముగ్గురు లష్కరే ఉగ్రవాదుల హతం// 3:39 am - శీతాకాల స‌మావేశాల‌పై కేంద్రం దాటవేత// 3:35 am - ఇవాంక అమెరికా టు బేగంపేట?// 3:33 am - మనం ఏపీలోనే పుట్టాం, పెరిగాం- బన్నీ వాసు// 3:32 am - ఫ‌రుఖ్ పై విరేష్ శాండిల్య సంచ‌ల‌న వ్యాఖ్య‌లు// 3:27 am - ఎపీకీ కేంద్రం అన్నీ అడ్డంకులే..?// 4:32 am - రాఘవేంద్ర స్వామిని స‌న్నిదిలో రజనీకాంత్// 4:02 am - జీఎస్టీపై కేంద్రం మరో శుభవార్త..!// 3:57 am - పియరంజన్ దాస్‌మున్షీ కన్నుమూత// 3:55 am - నంది అవార్డుల వివాదంపై స్పందించిన బాబు!// 3:52 am - ఉత్తర కొరియాకు షాకిచ్చిన ట్రంప్.. !// 3:49 am - ఎన్డీటీవీ గ్రూప్ సీఈవో కేవీఎల్ఎన్‌ మృతి// 3:47 am - 12 వేల కిలో మీటర్లు వెళ్లగల చైనా మిసైల్// 10:42 am - భూమి అంతం 2036లో.. నాసా అంచనా!// 10:11 am - ‘పద్మావతి’ వివాదంపై మమత ట్వీట్‌..!// 9:51 am - ఈ పరిస్థితికి కారణం జయలలితే-దిన‌క‌ర‌న్‌// 3:08 am - ‘పద్మావతి’ వివాదాల మ‌ద్య వాయిదా!// 3:07 am - సోషల్ మీడియా స‌మ్మిట్ అవార్డులు-అఖిల‌ప్రియ‌// 2:45 am - నంది అవార్డులపై..ఏపీ ప్రభుత్వం సీరియస్// 8:58 am - ‘లెజండ్’ ఉత్తమ చిత్రం ఎలా?: శంకర్//

పైసా వసూల్ సినిమా స‌మీక్ష‌

Published on Sep 01 2017 // Movie News

న‌టుడిగా వంద సినిమాలు పూర్తి చేసిన నంద‌మూరి బాల‌కృష్ణ న‌టించిన 101వ చిత్రం పైసా వ‌సూల్‌. ఈ చిత్రానికి పూరి జ‌గ‌న్నాథ్ ద‌ర్శ‌కుడు కావ‌డంతో సినిమా ఎలా ఉండ‌బోతుందోన‌ని ఆస‌క్తి అంద‌రిలో మొద‌లైంది. ఎందుకంటే పూరి హీరోను ప్రెజెంట్ చేసే స్టైల్ చాలా డిఫ‌రెంట్‌గా ఉంటుంది. అలాంటి ఓ సీనియ‌ర్ డైరెక్టర్, మాస్ ఇమేజ్ ఉన్న బాల‌కృష్ణ‌ను తెర‌పై చూపిస్తాడో, అస‌లు బాల‌కృష్ణ కోసం పూరి ఎలాంటి క‌థ రాసుకున్నాడోన‌ని ఆస‌క్తి కూడా క్రియేట్ అయ్యింది.

అలాగే టీజ‌ర్‌, ట్రైల‌ర్‌లో బాల‌య్య బాడీ లాంగ్వేజ్‌, డైలాగ్ డెలివ‌రీ అన్ని కొత్త‌గా ఉండ‌టంతో సినిమాపై అంచ‌నాలు రెట్టింపు అయ్యాయి. మ‌రి ఈ అంచ‌నాల‌ను బాల‌కృష్ణ పైసా వ‌సూల్ రీచ్ అయ్యిందా లేదా అని తెలియాలంటే ముందు క‌థ‌లోకి వెళ‌దాం..

క‌థ
బాబ్ మార్లే(విక్ర‌మ్ జీత్‌) ఓ పెద్ద మాఫియా డాన్‌. పోర్చుగ‌ల్‌లో ఉంటాడు. బాబ్ త‌మ్ముడు స‌న్ని(అమిత్‌)ను ఇండియ‌న్ రా ఆఫీస‌ర్ చంపేస్తాడు. దాంతో ఇండియాపై ప‌గబ‌ట్టిన బాబ్ ఇండియాలో మార‌ణ హోమం క్రియేట్ చేయాల‌ని నిర్ణ‌యించుకుంటాడు. బాబ్‌కు ఇండియాలో ఓ మినిష్ట‌ర్‌(కృష్ణ‌కాంత్‌) స‌హా లోక‌ల్ మాఫియా అండ‌గా ఉంటుంది.

హైద‌రాబాద్‌లో రెండు, మూడు చోట్ల బాంబు పేలుళ్లు జ‌రుగ‌ుతాయి. అమాయ‌కులైన జ‌నం చ‌నిపోతారు. పోలీస్ అధికారుల‌ను మాఫియా గ్యాంగ్ చంపేస్తుంటుంది. అలాంటి స‌మ‌యంలో రా చీఫ్‌(క‌బీర్ బేడి), ఓ గ్యాంగ్‌స్ట‌ర్‌ను ఈ మాఫియాకు వ్య‌తిరేకంగా వాడుకుని అంతమొందించాల‌నుకుంటాడు.

అందులో భాగంగా తేడాసింగ్‌(నంద‌మూరి బాల‌కృష్ణ‌)తో పోలీస్ డిపార్ట్‌మెంట్ డీల్ కుదుర్చుకుంటుంది. తేడాసింగ్ త‌ను ఉండే కాల‌నీలో త‌న ప‌క్కింట్లో ఉండే హారిక‌(ముస్కాన్‌) వెంట‌ప‌డుతుంటాడు. హారిక తన అక్క‌య్య సారిక‌(శ్రియా) కోసం వెతుకుతూ ఉంటుంది.

పోర్చుగ‌ల్ వెళ్లిన సారిక క‌న‌ప‌డకుండా పోతుంది. అయితే చివ‌ర‌కు హారికకు, త‌న‌ అక్క‌య్య సారిక‌కు, తేడాసింగ్‌కు మ‌ధ్య ఓ రిలేష‌న్ ఉంద‌ని తెలుస్తుంది. ఆ రిలేష‌న్ ఏంటి? అస‌లు తేడా సింగ్ ఎవ‌రు? సారిక‌, హారిక ఫ్యామిలీకి తేడాసింగ్ ఎందుకు ద‌గ్గ‌ర‌వుతాడు? అస‌లు సారిక ఏమవుతుంది? అనే విష‌యాల‌ను తెలుసుకోవాలంటే సినిమా చూడాల్సిందే.

విశ్లేష‌ణ‌
ఇప్ప‌టిదాకా నంద‌మూరి బాల‌కృష్ణ చేసిన 100 సినిమాలు వేరు. ఈ సినిమా వేరు. ఇందులో బాల‌య్య నూత‌నోత్సాహంతో క‌నిపించారు. భారీ డైలాగులు, భారీ యాక్ష‌న్ ఎపిసోడ్స్ బాల‌య్య‌కు కొత్త కాదు. కానీ ఈ సినిమాలో ఆద్యంతం కొత్త‌గా చేశాడు. బీహార్‌లో తాగించిన‌వాడిని తీహార్‌లో పోయించా తూ క్యారే అవులే,

న‌న్ను ఇక్కడ కాల్చాలంటే నా అభిమానులైనా అయ్యి ఉండాలి, నా బంధువులైనా అయి ఉండాలి, సింహానికి మేక ఎరేయాల‌నుకోవ‌డం క‌ర‌క్టే కానీ ఆ ప్లాన్ని మేక‌ల‌న్నీ క‌లిపి చేయ‌డ‌మే ఫన్నీగా ఉంది.. వంటి చాలా డైలాగులు ఈ సినిమాలో ఆడియ‌న్స్ ని మెప్పిస్తాయి. `జేబులో చెయ్యిపెట్టు.. ఏమైనా త‌గిలిందా..` వంటి మాస్ డైలాగులను కూడా బాల‌య్య అందంగానే ప‌లికారు. సినిమాలో ప్ర‌త్యేకంగా పెద్ద‌గా కామెడీ లేదు. అ

లీ పాత్ర‌ను చూడ‌గానే ఎవ‌రైనా కామెడీ ఉంటుంద‌ని ఊహిస్తారు. కానీ అలీ పాత్ర ఉండాలి కాబ‌ట్టి ఉన్న‌ట్టు అనిపిస్తుంది. రా ఏజెంట్‌గా బాల‌కృష్ణ‌ను దర్శ‌కుడు ఎలివేట్ చేసిన తీరు, బాల‌కృష్ణ వ్యావ‌హారిక శైలి చాలా వ‌ర‌కు `పోకిరి` చిత్రాన్ని, పూరి గ‌త చిత్రాల‌ను గుర్తుచేస్తాయి. కెమెరాప‌రంగా, ఎడిటింగ్ ప‌రంగా సినిమా బాగా ఉంది. కానీ మావా ఏక్ పెగ్ లా, ప‌ద మ‌రి, పైసా వ‌సూల్ పాట‌లు బావున్నాయి. రీరికార్డింగ్ ఇంకాస్త ఎఫెక్టివ్‌గా ఉంటే బావుండేదేమో.

హీరోయిన్లు వారి వారి ప‌రిధుల్లో బాగానే న‌టించారు. మినిస్ట‌ర్‌గా న‌టించిన కృష్ణ‌స్వామి శ్రీకాంత్ ముఖంలో భావోద్వేగాలు స‌రిగా ప‌ల‌క‌లేదు. క‌థలోనూ చెప్పుకోద‌గ్గంత కొత్త‌ద‌నం ఏమీ లేదు. క్లైమాక్స్ లో బాల‌కృష్ణ దేశం గురించి, దేశ‌భ‌క్తి గురించి మాట్లాడిన తీరు మెప్పిస్తుంది. ఒక్క మాట‌లో చెప్పాలంటే మాస్‌ను, బాల‌కృష్ణ అభిమానుల‌ను అల‌రించే పూరి జ‌గ‌న్నాథ్ మార్కు చిత్ర‌మిది.
బ్యాన‌ర్: భ‌వ్య క్రియేష‌న్స్‌
న‌టీన‌టులు: నంద‌మూరి బాల‌కృష్ణ‌, శ్రియాశ‌ర‌న్‌, ముస్కాన్‌, కైరా ద‌త్‌, క‌బీర్ బేడి, విక్ర‌మ్ జీత్‌, పృథ్వీరాజ్‌, అలీ త‌దిత‌రులు
మ్యూజిక్: అనూప్ రూబెన్స్‌
సినిమాటోగ్ర‌ఫీ: ముఖేష్‌.జి
ఎడిటింగ్: జునైద్ సిద్ధిఖీ
నిర్మాత: వి.ఆనంద ప్ర‌సాద్‌
క‌థ‌, మాట‌లు, స్క్రీన్‌ప్లే, ద‌ర్శ‌క‌త్వం: పూరి జ‌గ‌న్నాథ్‌

Leave a comment